28.9.06
Novas que salientan as ausencias
Hoxe lembreime dunha persoa especial pese a que agora só nos vemos esporadicamente. O único bon é que estas cousas me animan a escribir e o texto que vai a continuación xordeu hoxe mesmo. Todo iso e o que xa teño dito que cada vez falte menos para o Nadal, fan que note cada vez máis a ausencia, e as ausencias.
--------------------------
Agora todo discorre costa abaixo
sen camposanto que nos exilie da choiva
onde poder esconderse de transeuntes noctámbulos
e disfrutar agachándose tralo tápiz das sombras.
Esas ás que convidábamos a entrar no auto
para axudarnos a desenvolver a nosa maxia xunguidora.
Agora ti mudaste de casa
coa certeira indúbida
de que xamais me precisarás no teu backstage diario,
porque para ti a miña alma pertence a xiras pasadas.
Como se dun vinilo descatalogado se tratase
escóndome en estantes apolillados
á espera de que algunhas mans
poidan atopar un valor a estes regos desgastados
que poboan a miña mente.
Suscribirse a:
Enviar comentarios (Atom)
No hay comentarios:
Publicar un comentario